भन्सार नियमावलीमा रहेको ४५ प्रतिशत पुरस्कारको ब्यावस्था खारेजी हुनुपर्छ-प्रभु साह

सिम्रौनगढ । आम जनता पार्टी (आजपा) का अध्यक्ष एंव पुर्व मन्त्री प्रभु साहले भन्सार नियमावलीमा रहेको कथित ४५ प्रतिशत पुरस्कारको ब्यवस्था खारेज हुनुपर्ने बताएका छन् । दशैं, दिपावली, छठ लगायत चाडपर्वको अवसरमा रौतहटको मौलापुर नगरपालिकाको सोनरनिया र बाराको सिम्रौनगढ नगरपालिकाको बसवरियामा आज आयोजित शुभकामना आदानप्रदान कार्यक्रममा सहभागी आजपा अध्यक्ष साहले भन्सार छलि नियन्त्रणको नाममा भईरहेको राजकीय लुटलाई रोकन भन्सार नियमावलीमा रहेको कथित ४५ प्रतिशत पुरस्कारको ब्यावस्था खारेजी हुनुपर्ने बताए । `हामीले यसबारेमा भन्सार बिभाग देखि प्रधानमन्त्री प्रचण्डसंग समेत कुरा गरेका छौं ।

यस्तो ब्यवस्थाले राजस्व संकलनमा समेत प्रभाव पारिरहेको छ । संसदलाई समेत जानकारी नदिई गरिएको यो लुट ब्यवस्था खारेज गर्नुको बिकल्प छैन´ आजपा अध्यक्ष साहले भने, `भन्सार छलि नियन्त्रणको नाममा भईरहेको राजकीय लुटलाई रोकन भन्सार नियमावलीमा रहेको कथित ४५ प्रतिशत पुरस्कारको ब्यावस्था खारेज नभए नागरिक स्तरबाटै खारेज गरिन्छ ।´ भन्सार छलि नियन्त्रणको नाममा भईरहेको राजकीय लुटलाई रोकन भन्सार नियमावलीमा रहेको कथित ४५ प्रतिशत पुरस्कारको ब्यावस्था खारेजीको माग गर्दै आजपाले दशैं अघि भन्सार बिभाग घेराउ समेत गरेको थियो । सो ब्यवस्था खारेज नहुदा सरकारले बर्सेनि अर्बौं रकम गुमाई रहेको छ ।

संसदमा कुनै कानुन नै पारित नगरी गरिएको सो ब्यवस्थाको चौतर्फी बिरोध भइरहेको छ । आजपा अध्यक्ष साहले यो ब्यवस्था खारेज हुनुपर्ने भन्दै संसदमा समेत आवाज उठाउदै आएका छन् । राज्यबाट तलब सेवासुबिधा पाईरहेका कर्मचारी सुराकीकै नाममा आफै मोटाउने यसब्यवस्थाले सरकारको अर्बौं रकम लुटिरहेका छन् । आजपा केन्द्रीय सदस्य एंव कार्यालय सचिव बालकृष्ण सापकोटाका अनुसार शुभकामना आदान प्रदान कार्यक्रम सोनरनियामा बिरेन्द्र यादव र बसवरियामा शिवनाथ साहको अध्यक्षतामा सम्पन्न भएको छ । कार्यक्रममा आजपाका स्थायी कमिटी सदस्य त्रिभुवन साह, प्रदेश अध्यक्ष उमेश कुशवाहा, नगरप्रमुख रीना साह, बबित कुमारी साह, बिजय यादव, रन्जु कुमारी साह, ठगा दास, बालकृष्ण सापकोटा लगायतका नेताहरुको उपस्थिति रहेको थियो ।

Leave a Reply

Your email address will not be published. Required fields are marked *